wieviel säätz hani scho gseid ? wieviel wörter gschriebe? s'chunnd mer vor als wüürs nie ufhöre, als wüür die ganz wäld nie e wändig ha. aber etz falld mer uf was ich alles verpassd ha. ya, d'wäld hed sich verändered. nur isch d'frag positiv oder negativ. d'arbeit hed sich gändered, d'natur hed sich gändered, alles hed sich gändered. nur mier mensche sind immerno glich bliebe - machtopfers.
wenn ich d'wäld chönd ändere, was würd ich mache. ehrlich - ich weiss es nöd. ich weiss überhaup nööd was mache. mengisch chunds mer so vor als wüür mir i manche momend mis läbe us de händ entglitte. bis etz hed jedoch immer no öpper mis läbe chöne uffange - mich rette. doch i-wänn wird die zyd ume si, i-wänn cha dir niemer meh hälfe - nur du selber. denn isch es ade zyd das du din wäg gasch & machsch was immer du willsch. etze isches nonig z'spaad, du chasch no umdräihe.
mengisch blick ich zrug & denk mier was han ich da alles unvergässlichs erlebd. ja vieles will ich nie vergesse, s'isch eifach unghüür schön gsi. doch denn chund mer in sinn mid wem ich das züüg erläbd ha, und denn merk ich, s'wird nie meh zu somne tag cho, will die lüüt fürimmer verlore sind.
mängisch denk ich mier eifach nur, chum & rett mich, rett mich ine wäld wo's nöd gid. doch ich weiss das sich mini phantasie nie werde verwürkliche - so öppis abnormals - & ich weiss eines tages wird ich ufwache & wüsse mier mensche hend eusi weld etz so zerstörtd, ya denn wird eusi wäld so wit unde sii, dass mier mensche nüme chöönd anne besseri wäld glaube & mid ihre undergah wärdet.
ich chan nöd sege wie langs no gah wird - niemer chan das sege - doch es wird passiere, dass bini mier sicher. s'isch nonig z'spaaad.
staah uf & kämpf - uf dini art ♥
Keine Kommentare:
Kommentar veröffentlichen