ich lueeg id wääld & alles woni gseh würdi am liebshde go ändere gaah. ich loos zue, doch alles woni ghöör ergid i mine ohre kein sinn. wie schön wärs wenn ich d'zyd eifach zrugstelle chönd - neu afah. wieviel fähler würd ich nüme mache, wie hett ich mis läbe denn in griff. doch d'realität hold mich us de hoffnig use, dass alles wird wies shomal gsi isch.
wo ich no jünger und naiver gsi bin und ke gedanke ad zuekunft verschwendet ha. woni no für de augeblick glebt han. wo ich jedi sekunde gnosse ha - wo ich no chind bi gsi. frei & unbügsam. immer mid mim eigete wille, ohni verpflichdige. wie gern würd ich die zyd nur nomal erlebe chöne, wie gern würd ich die zyd verändere welle.
ich vermiss es als chind ufem rittseil sitze & em zug nahluege wie er verbie fahrd. ich vermiss es mini duplo fürenääh und am schluss nöd welle ufrume. ich vermiss es die schrägste gedanke vo seilpost z'haa ohni d'möglichkeit die z'verwürkliche.
doch au ich bin älter worde, doch au deet bini no wild gsi, glaachd & jede scheiss mitärerläbd mid einere person a minere site. denn hed afa sich alles verändere. d'eltere sind komischer worde, ich han mich veränderet. egal mit wem, immer wieder sind konflikt uftauchd, egal wiso immer wieder isch im desaster gändeet.
doch jez isch d'zyd - d'gägeward - s'beschde us mim lebe mache. & ich wirds versueche. & wie bimne trick wo mer umbedingt will chöne, wird ich immer und immer wieder ufstah & s'neu probiere, egal wie fest ich uf de bode gheeie.
ich wird alles defür geeh zum eines tages chöne z'sege - d'weeld isch schön ♥
Keine Kommentare:
Kommentar veröffentlichen