blieb du selbst [:swiss]

ich weiss nöd wieviel lüüt mich hassed, genausowenig wie ich weiss wieviel lüüt mich möged. doch ich muen immer meh erchenne, dass all das für mich kei grossi rolle meh spield. ich vermisse, ich lache, ich hasse, ich fühle, ich liebe. mir chunds nuurno drufah was ich wööd, für was ich kämpf, für was ich lern, für was ich töte würd. -ich bin ned perfekt & verdammt ich wills au nööd sie, ich will nur ich sie.


ich will sie wie ich leb & lieb. ich staah zu mine positive aber au zu mine negative site. all hend mier immer vorgschriebe was richtig & was falsch isch, doch so ischs lebe. s'gid gueds aber au viel schlächds. ich warte & warte, bis au die letschde mänsche das verstönd. all hend gseid sie wönd mier helfe, doch söddets zersch mal ihres eoget lebe in ordnig bringe. keine vu eu isch min lehrer, & selbst wenn scho, -isch mer ai nur en mänsch. 


uf was wartisch nah? gahn & leb dis lebe wie du s'wotsch! mach was du für richdig haltisch. au wenns niemer andersch verstahd. mängisch verlüürsch vilichd de glaube a dich, doch d'zuekunft wird alles ändere, wenn du dini zuekunfd selber gstaltisch. 
bild dini eigedi welt i dere grosse welt ohni phantasie & ohni glück, doch i dinere weld wird alles sie wie du's der erhoffsch. s'lebe isch eh bühni, s'lebe gsehn ich nur als spiel. wenn sich d'vorhäng schlüssed wird alles verbi siie. aber i dim lebe bisch du die person uf de bühn, du bisch de hauptdarsteller, du bisch die person um die sich alles dräid..


ich han mich ufem wäg verlore, doch bin ich mich wieder am sueche & scho fasch wieder vollständig. ich wird alles schaffe, ich will alles schaffe. es isch mis läbe & ich will s'beschd drus mache. mer chan mer mis lebe neh, aber min wille bliebd bestah.. & ich han no soviel frage, frage wo niemer cha beantworte, frage wo ned wönd beantworted werde, und frage wo ich d'antword vilich gar nöd wüsse wödd. 
niemer cha mir sege öb ich die weld überstah, öb ich wird witercho, aber ich chan mir verspreche, dass ich alles drum gib so wyd wie möglich z'cho, i dere zyd wo mir bliebd, i mim lebe.


vilich bin ich nöd die gschiedschd, doch weiss ich i welli richdig ich wödd. vilich bin ich nöd die stärchschd, doch ich weiss um was ich kämpf & ich wird solang kämpfe, bis d'geduld die andre uffrissd & mir en leere, schreckliche weg hinderlahd.. ich wird laufe bis mich mini bei nüme träge, ich wird denke bis min chopf zerplatzd, ich wird lebe bis mich d'weld besiegt hed. 


ich glaub a nüd. doch glaub ich a mich, a alles.